జుట్టు రాలే సమస్యకు దీనితో చెక్ పెట్టండి…|

మీకూ జుట్టు రాలడం సమస్య ఉంటే వంటగదిలో సులభంగా లభించే ఈ పదార్థాలతో తయారు చేసిన పానియాలను తాగడవ వల్ల సులువుగా చెక్ పెట్టవచ్చు. ఈ పానీయాలు తలలోని చర్మాన్ని లోపలి నుంచి నిర్విషీకరణ చేయడమే కాకుండా జుట్టు మూలాలకు అవసరమైన పోషకాలను కూడా అందిస్తాయి. అవేంటంటే..

ప్రస్తుత కాలంలో అన్ని వయసుల వారు జుట్టు రాలడం సమస్యతో బాధపడుతున్నారు. చెడు జీవనశైలి, అనారోగ్యకరమైన ఆహారం, ఒత్తిడి కారణాలు ఏమైనప్పటికీ చిన్న వయసులోనే జుట్టు రాలడం సమస్య ప్రతి ఒక్కరినీ కలవర పెడుతుంది. ఈ జుట్టు రాలడం సమస్యను వదిలించుకోవడానికి చాలా మంది మార్కెట్లో దొరికే వివిధ హెయిర్ మాస్క్‌లు, నూనెలు వంటి బాహ్య సంరక్షణ ఉత్పత్తులను ఆశ్రయిస్తుంటారు. దీనితో పాటు జుట్టు ఆరోగ్యానికి అంతర్గత పోషకాలు కూడా అంతే ముఖ్యపాత్ర పోషిస్తాయి. మీకూ జుట్టు రాలడం సమస్య ఉంటే వంటగదిలో సులభంగా లభించే ఈ పదార్థాలతో తయారు చేసిన పానియాలను తాగడవ వల్ల సులువుగా చెక్ పెట్టవచ్చు. ఈ పానీయాలు తలలోని చర్మాన్ని లోపలి నుంచి నిర్విషీకరణ చేయడమే కాకుండా జుట్టు మూలాలకు అవసరమైన పోషకాలను కూడా అందిస్తాయి

మెంతి నీళ్లు

మెంతులలో ప్రోటీన్ , నికోటినిక్ ఆమ్లం ఉంటాయి. ఇవి జుట్టు మూలాలను బలోపేతం చేయడంలో సహాయపడతాయి. దీని కోసం మెంతి గింజలను రాత్రంతా నీటిలో నానబెట్టి, వడకట్టి ఉదయం నిద్ర లేవగానే తాగాలి. ఇది జుట్టు రాలడాన్ని తగ్గించడంలో, కొత్త వెంట్రుకల పెరుగుదలకు సహాయపడుతుంది.

కొత్తిమీర నీళ్లు

కొత్తిమీర ఆకులలో ఐరన్, యాంటీఆక్సిడెంట్లు ఉంటాయి. ఈ ఆకులను నీటిలో మరిగించి, వడకట్టి, ప్రతిరోజూ ఉదయం తాగాలి. ఇది రక్తాన్ని శుద్ధి చేస్తుంది. తలకు పోషణను అందిస్తుంది.

అలోవెరా నీళ్లు

అలోవెరాలో జుట్టు కుదుళ్లను పునరుజ్జీవింపజేసే ఎంజైమ్‌లు, అమైనో ఆమ్లాలు ఉంటాయి. ప్రతిరోజూ ఉదయం 2 టేబుల్ స్పూన్ల అలోవెరా జెల్‌ను గోరువెచ్చని నీటితో కలిపి తాగడం వల్ల జుట్టు ఆరోగ్యం మెరుగుపడుతుంది.

తులసి నీళ్లు

తులసిలో యాంటీ బాక్టీరియల్ లక్షణాలు ఉన్నాయి. ఇవి తల ఆరోగ్యాన్ని మెరుగుపరుస్తాయి. కొన్ని తులసి ఆకులను నీటిలో మరిగించి ప్రతిరోజూ ఉదయం తాగడం వల్ల జుట్టు మూలాలు బలపడతాయి.